Faktla bağlı cinayət işi başlanılıb, araşdırmalar aparılır
Oğuz rayonunda ölümlə nəticələnən yol nəqliyyat hadisəsi baş verib. AYNA.AZ xəbər verir ki, hadisə Qaraməryəm-İsmayıllı-Şəki magistral yolunun Sincan kəndindən keçən hissəsində qeydə alınıb.
"Mercedes Vito" markalı mikroavtobus idarəetmədən çıxaraq ağaca çırpılıb. Qəza zamanı 1 nəfər ölüb, daha bir neçə nəfər isə müxtəlif dərəcəli xəsarətlər alıb. Yaralılar Oğuz Rayon Mərkəzi Xəstəxanasına çatdırılıblar.
Həyatını itirən sərnişin Balakən rayonu Qazma kənd sakini, 64 yaşlı Şadnus Hümbətovdur.
Faktla bağlı cinayət işi başlanılıb, araşdırmalar aparılır.