Hadisə nəticəsində sürücü xəsarət alıb
Naxçıvan şəhərində yol-nəqliyyat hadisəsi baş verib. AYNA APA-ya istinadən xəbər verir ki, hadisə şəhərin İstiqlal küçəsində qeydə alınıb. 71-BA-213 dövlət nömrə nişanlı, "VAZ-2107" markalı avtomobilin önünə piyada çıxdığından idarəetməni itirib.
Yoldan çıxan maşın əvvəlcə işıq dirəyinə çırpılıb, daha sonra səkinin üstünə aşıb. Hadisə nəticəsində sürücü xəsarət alıb.
Faktla bağlı araşdırma aparılır.