Hadisə barədə hüquq-mühafizə orqanları məlumatlandırılıb
Bakının Qaradağ rayonu Lökbatan qəsəbəsi ərazisində küçəyə körpə atılıb. Səhiyyə Nazirliyinin (SN) mətbuat xidmətindən AYNA-ya verilən məlumata görə, o, 1 günlük oğlan uşağıdır.
“Körpə hipotermik vəziyyətdə (34 dərəcə istiliklə) Pediatriya İnstitutuna gətirilib. Uşağın vəziyyəti ağır olub, qanı təmizlənib və bütün tibbi yardımlar göstərilib”, - deyə məlumatda qeyd olunub.
“Hazırda vəziyyəti ağır kimi qiymətləndirilir. Hadisə barədə hüquq-mühafizə orqanları məlumatlandırılıb”, - nazirlikdən bildirilib.