“Ukrayna üçün ədalətli sülh yaratmaq üçün Rusiyaya təzyiqi artırmağın vaxtı gəlib çatıb"
“Vladimir Putin cəbhə xəttindəki minimal uğurlara görə böyük bir bədəl ödəyir və onun resursları sürətlə tükənir”. AYNA.AZ xarici mediaya istinadən bildirir ki, bu sözləri bu sözləri NATO-nun baş katibi Mark Rutte Londonda keçirilən "Könüllülər koalisiyası"nın iclasından sonra keçirilən mətbuat konfransında bildirib.
"Yüz minlərlə rus Putinin təcavüzünə görə ölür. Ukrayna özünü cəsarətlə müdafiə etməyə davam edir və dəstəyimiz bunun üçündür. Həqiqət budur ki, Putinin pulu, əsgəri və ideyaları tükənir", - Rutte vurğulayıb.
Onun sözlərinə görə, cəbhə xəttindəki mövcud vəziyyət Rusiya ordusunun yalnız kiçik irəliləyişlərə qadir olduğunu və yalnız böyük itkilər bahasına olduğunu təsdiqləyir.
NATO baş katibi həmçinin ABŞ Prezidenti Donald Trampın hazırkı təmas xətti boyunca hərbi əməliyyatların dayandırılmasının zəruriliyi ilə bağlı mövqeyini dəstəkləyib. Rutte qeyd edib ki, "hərbi əməliyyatların dayandırılmasına nail olmaq və Ukrayna üçün ədalətli sülh yaratmaq üçün Rusiyaya təzyiqi artırmağın vaxtı gəlib çatıb".
O həmçinin Avropa müttəfiqlərinin və Kanadanın Ukraynaya əlavə hərbi yardım göstərmək qərarını alqışlayıb: "Döyüş meydanındakı hadisələr göstərir ki, Ukraynaya dəstəyimiz bəhrəsini verir və biz eyni ruhda davam etməliyik".
Ruttenin bu cür açıqlamalar verməsi ilk dəfə deyil. O oktyabrın 16-da NATO ölkələrinin Rusiya üzərində böyük iqtisadi və hərbi üstünlüyə malik olduğunu xatırladıb.
"Biz Rusiyadan 25 dəfə böyükük. NATO-nun ümumi iqtisadiyyatı 50 trilyon dollardır, Rusiyanın iqtisadiyyatı isə cəmi 2 trilyon dollardır ki, bu da Texas ştatından böyük deyil", - deyə o Moskvanın potensialını şişirtməməyə çağırıb.