Helikopter və dəniz qüvvələrinin cəlb olunduğu axtarışlar davam edir
Göyərtəsində 30-dan çox turistin olduğu yaxta Misirin Marsa Alam şəhərinin şimalında, Şaab Sataye bölgəsində batıb. Bu barədə AYNA xarici mediaya istinadən bildirir.
Qeyd olunub ki, yaxtada 31 turist və 14 ekipaj üzvü olub.
Yaxta çoxgünlük dalğıc turunun bir hissəsi olaraq Marsa Alamdakı Porto Qalibdən Hurqadaya üzürmüş.
Məlumata görə, xilasetmə əməliyyatına başlanılıb. Helikopter və dəniz qüvvələrinin cəlb olunduğu axtarışlar davam edir.
Vurğulanıb ki, yaxtanın sərnişinlərindən bəziləri sağ tapılıb.
Yaxta batan yerlərdə köpəkbalığının çox olması axtarışı çətinləşdirir.