“Rusiya NATO ilə yeni quru sərhədində öz mövqelərini gücləndirməli olacaq”
“İsveç və Finlandiyanın NATO-ya daxil olması Rusiya üçün yeni təhlükələr yaratmır”. AYNA xəbər verir ki, bu sözləri Rusiya Təhlükəsizlik Şurasının sədr müavini Dmitri Medvedev İsveç və Finlandiyanın NATO-ya daxil olması perspektivini dəyərləndirərkən deyib.
“İsveç və Finlandiyanın NATO-ya daxil olması bizi xüsusilə yeni heç nə ilə təhdid etmir. Bu ölkələrin əvvəllər Rusiya ilə kifayət qədər hörmətli və qarşılıqlı adlandırıla bilən münasibətləri olub”, - Medvedev vurğulayıb.
O, eyni zamanda, qeyd edib ki, Rusiya NATO ilə yeni quru sərhədində öz mövqelərini gücləndirməli olacaq.
Medvedevin sözlərinə görə, quru qoşunları və donanma şimal istiqamətlərdə qurulacaq.