Seçkilərdən sonra Mask demək olar ki, hər gününü Trampın Floridadakı Mar-a-Laqo iqamətgahında keçirir
“Tesla” və “Space X”in yaradıcısı İlon Mask ABŞ-da prezident seçkilərindən bir neçə gün sonra Donald Trampın ətrafı arasında nüfuzlu fiqur olub və gələcək administrasiyanın formalaşmasında “əhəmiyyətli rol” oynayır. AYNA xəbər verir ki, bu barədə “ABC News” mənbələrə istinadən yazıb.
Telekanalın məlumatına görə, seçkilərin nəticələrinə yekun vurulduqdan sonra Mask demək olar ki, hər gününü Trampın Floridadakı Mar-a-Laqo iqamətgahında keçirir.
Jurnalistlər qeyd edir ki, Mask seçki gecəsi Trampın ailə fotosunda görünüb, seçilmiş prezidentin həyat yoldaşı Melaniya Trampla nahar edərkən görüntülənib. Həmçinin həftə sonu Tramp ailəsi ilə qolf oynayıb.
Bununla belə, “ABC News”un məlumatına görə, Mask Trampın kadr qərarlarına təsir edir. Bildirilib ki, Mask Trampın xarici liderlərlə etdiyi ən azı iki zəngdə iştirak edib. O, yeni seçilmiş Prezidentin Türkiyə lideri Rəcəb Tayyib Ərdoğanla söhbətində olub. Ukrayna Prezidenti Volodimir Zelenski ilə söhbəti zamanı Tramp hətta telefonu Maska verib.
Bundan əlavə, məlumata görə, Mask ABŞ-ın BMT-dəki səfiri Elise Stefanikin seçilməsindən narahatlığını ifadə.