Siyarto Gürcüstandakı “Xarici agentlər” haqqında qanuna reaksiyasını pisləyib
“Gürcüstanda bu yaxınlarda qəbul edilmiş “Xarici təsirin şəffaflığı haqqında” qanun ölkənin daxili işlərinə xarici müdaxiləni məhdudlaşdırmaq üçün tamamilə başa düşülən cəhddir”. AYNA xarici mediaya istinadən bildirir ki, bu sözləri Macarıstanın xarici işlər naziri Peter Siyarto ABŞ və Avropa İttifaqından (Aİ) olan xarici agentlər haqqında qanunun tənqidinə belə cavab verib.
“Bu, ölkənin kənar müdaxilə imkanlarını tənzimləmək və məhdudlaşdırmaq üçün başa düşülən cəhddir. Eyni şeyin Macarıstanda da şahidi olduq və yaşadıq. Müxalifətimiz tamamilə kənardan, əsasən ABŞ-dan milyonlarla dollarla maliyyələşirdi. Son seçkilərə çox, çox ağır müdaxilələr oldu və o vaxtdan müxalifət və onun mediası kənardan maliyyələşdirilir. Hesab edirəm ki, bu, ölkənin suverenliyini pozur”, nazir bildirib.
Bundan əvvəl Aİ Gürcüstanın inteqrasiya prosesini dayandırıb. Aİ-nin ölkədəki səfiri Pavel Qerçinskinin sözlərinə görə, buna səbəb ölkənin hazırkı hakimiyyətinin qeyri-müəyyən niyyətləri, anti-Qərb və anti-Avropa ritorikası, həmçinin respublikada qəbul edilmiş “Xarici agentlər” haqqında qanun olub.