120 min ədəd Azərbaycanın aksiz markası ilə markalanmamış tütün məmulatları aşkar edilib
Fərdi yaşayış evindən külli miqdarda aksiz markası ilə markalanmamış tütün məmulatları aşkar edilib. AYNA xəbər verir ki, bu barədə Dövlət Gömrük Komitəsindən (DGK) bildirilib.
Qeyd olunub ki, Dövlət Gömrük Komitəsi Əməliyyat-İstintaq Baş İdarəsi və ərazi əməliyyat struktur bölmələrinin əməkdaşları tərəfindən Mingəçevir şəhərində həyata keçirilmiş birgə əməliyyat-axtarış tədbirləri nəticəsində şəhər sakininə məxsus "Mercedes-Benz" markalı nəqliyyat vasitəsindən və istifadəsində olan fərdi yaşayış evindən külli miqdarda, ümumi sayı 120 min ədəd Azərbaycanın aksiz markası ilə markalanmamış tütün məmulatları aşkar edilib.