Hadisəni törədənin kimliyi hələlik müəyyənləşməyib
İsmayıllı rayonunda qətl hadisəsi baş verib. AYNA-nın APA-ya istinadən xəbərinə görə, bu gün rayonun Mişgəmirli kəndində kənd sakini, 1973-cü il təvəllüdlü Soltanov Ağasəf Murtuz oğlu ov tüfəngindən açılan atəş nəticəsində qətlə yetirilib.
Onun öz maşınında öldürüldüyü deyilir. Hadisəni törədənin kimliyi hələlik müəyyənləşməyib.
Meyit müayinə üçün Respublika Məhkəmə Tibbi Ekspertiza və Patoloji Anatomiya Birliyinin İsmayıllı rayon şöbəsinə gətirilib.