"İŞİD üzvülərinin fəaliyyətlərinin qarşısı tamamilə alınıb”
İraqın Kərkük vilayətində İŞİD terrorçularına qarşı hava əməliyyatı keçirilib. AYNA xarici mətbuata istinadən xəbər verir ki, əməliyyat nəticəsində İŞİD üzvü olan 6 terrorçu məhv edilib.
Kərkük Təhlükəsizlik Qüvvələrinin rəhbəri Əli Kamal bölgədə kəşfiyyat fəaliyyətlərini genişləndirdiklərini vurğulayıb: “Kərkük Əməliyyat Komandanlığı bölgədəki kəşfiyyat fəaliyyətlərini genişləndirdiyi üçün İŞİD üzvülərinin fəaliyyətlərinin qarşısı tamamilə alınıb”.
Qeyd edək ki, 2014-cü ilin iyun ayından etibarən terror təşkilatı Mosul şəhəri başda olmaqla İraq ərazisinin üçdə birini ələ keçirmişdi. Lakin 2017-ci ilin dekabr ayından etibarən İraq təhlükəsizlik qüvvələri işğal olunmuş ərazilərin böyük hissəsini İŞİD-dən geri almağa müvvəfəq olmuşdu.