İranda magistral qaz kəmərində partlayış baş verib

Baş verən partlayış yanğına səbəb olub

İranın Borudjen şəhərində magistral qaz kəmərində partlayış baş verib. AYNA xəbər verir ki, bu barədə “Mehr” agentliyi məlumat yayıb.

Bildirilir ki, baş verən partlayış yanğına səbəb olub.

Hadisə yerinə xilasedicilər və yanğınsöndürənlər gəlib. İlkin məlumata görə, xəsarət alan olmayıb.

Şəhərin meri Fəth Kərəmi bildirib ki, sözügedən xəttlə qaz verilişi dayandırılıb. Onun sözlərinə görə, yanğın boruda qalan qaz həcmi tamamilə yanana qədər davam edəcək.