“Vaşinqton narahatdırsa, 60 faizlik zənginləşdirmə səviyyəsi 20 faizə endirilə bilər”
ABŞ güzəştə gedərsə, İran uranın zənginləşdirilməsi səviyyəsini 20 faizə endirməyə hazırdır. AYNA.AZ xəbər verir ki, bu barədə İranın Ali Liderinin müşaviri, admiral Əli Şamxani ərəb televiziya kanalı "Əl Mayadeen"ə verdiyi müsahibədə deyib.
O qeyd edib ki, “Vaşinqton narahatdırsa, 60 faizlik zənginləşdirmə səviyyəsi 20 faizə endirilə bilər”. Lakin amerikalılar bunun üçün pul ödəməli olacaqlar.
Şamxaninin sözlərinə görə, İslam Respublikasının nüvə proqramı dinc xarakter daşıyır və uranın 60 faizə qədər zənginləşdirilməsi yalnız birincisi, İranın düşmənlərinin İrana qarşı planlarına qarşı çıxmaq, ikincisi, danışıqlara və dialoqa hazırlaşmaq üçün lazımdır.