Haniyə Misirlə Qəzzadakı münaqişə ilə bağlı danışıqlar aparacaq
Fələstinin radikal HƏMAS hərəkatının lideri İsmayıl Haniyə Misir rəsmiləri ilə danışıqlar aparmaq üçün Qahirəyə səfər edib. AYNA xəbər verir ki, bu barədə “Reuters” məlumat yayıb.
Qeyd olunub ki, tərəflər Qəzza zolağında Fələstin-İsrail münaqişəsi ilə bağlı müzakirə aparacaqlar.
Bundan əvvəl girovların azad edilməsi üçün İsrailin HƏMAS ilə yeni razılaşmasının təfərrüatları məlum olub. Mənbənin sözlərinə görə, İsrail hökuməti anklavda silahlıların saxladığı 40 nəfərin müqabilində Qəzzada hərbi əməliyyatları bir həftə müddətinə dayandırmağa hazırdır.