Hazırda vulkanik hərəkət Havay Vulkanları Milli Parkının ərazisi ilə məhdudlaşdığından sakinlər üçün təhlükə yoxdur.
Dünyanın ən aktiv vulkanlarından biri olan Havay adalarında yerləşən Kilauea vulkanı yenidən püskürməyə başlayıb. AYNA xarici mediaya istinadən xəbər verir ki, bu barədə ABŞ Geoloji Xidməti məlumat yayıb.
Havay Vulkanları Rəsədxanasının məlumatına görə, hazırda vulkanik hərəkət Havay Vulkanları Milli Parkının ərazisi ilə məhdudlaşdığından sakinlər üçün təhlükə yoxdur.
Lakin səlahiyyətlilər xəbərdarlıq edir ki, təhlükə vulkanik dumandır və bu, bəzi məskunlaşan ərazilərə çata bilər.
Püskürən lavanın tüstüsünün tərkibində tənəffüs və ürək-damar xəstəlikləri olan insanlarda simptomları pisləşdirə bilən kəskin qoxu və qıcıqlandırıcı qaz olan kükürd dioksidi var.
Püskürmənin baş verdiyi ərazi qayaların uçma riski və vulkanın krater divarlarının kövrəkliyi səbəbindən 2007-ci ildən ziyarətçilər üçün bağlanıb.