Yanıq xəsarətləri alan İlqar Bədəlov xəstəxanaya yerləşdirilib
Hacıqabul rayonunda evdə baş verən partlayış nəticəsində bir nəfər yanıq xəsarətləri alıb. AYNA-nın “Report”a istinadən məlumatına görə, hadisə Hacıqabul şəhəri İsmət Qayıbov küçəsində qeydə alınıb.
İlkin məlumata görə, 1980-ci il təvəllüdlü Bədəlov İlqar Arif oğlu evdə iş görərkən partlayış olub.
Hadisə zamanı müxtəlif dərəcəli yanıq xəsarətləri alan İ.Bədəlov Hacıqabul Rayon Mərkəzi Xəstəxanasına yerləşdirilib.
Faktla bağlı araşdırma aparılır.