Sənətçi Antalyadakı Medical Park Xəstəxanasında dünyasını dəyişib
Müğənni Ferdi Tayfur vəfat edib. Bu barədə haber global məlumat yayıb.
AYNA xəbər verir ki, Türkiyənin tanınmış sənətçisi Ferdi Tayfur uzun müddətdir müalicə aldığı Antalyadakı Medical Park Xəstəxanasında dünyasını dəyişib.
Son dəqiqə xəbəri olaraq yayılan məlumatda sənətçinin səhhətindəki problemlər səbəbilə bir müddətdir xəstəxanada olduğu bildirilib.
Qeyd edək ki, Ferdi Tayfur, 15 dekabr tarixində Muğlanın Marmaris rayonundakı evində səhhətində yaranan problemlər səbəbindən əvvəlcə rayondakı özəl bir xəstəxanaya, daha sonra isə Muğlada yerləşən başqa bir özəl tibb müəssisəsinə aparılmışdı.