İmişlidə baş verən yanğının qarşısının alınması zamanı xəsarət alan polis əməkdaşlarının vəziyyəti qənaətbəxşdir
İyunun 25-də İmişli rayonundaki bazarda baş verən güclü yanğının qarşısının alınmasına Fövqəladə Hallar Nazirliyinin müvafiq qüvvələri ilə yanaşı, rayon polis şöbəsinin əməkdaşları da cəlb olunublar.
Daxili İşlər Nazirliyinin (DİN) Mətbuat Xidmətindən AYNA-ya verilən məlumata görə, alovun qarşısının alınması zamanı polis əməkdaşları yanğının baş verdiyi ərazidə təxirəsalınmaz təhlükəsizlik tədbirləri həyata keçiriblər.
Hadisə nəticəsində beş polis əməkdaşı tüstüdən zəhərlənərək müxtəlif dərəcəli xəsarətlər alıb. Hazırda onların vəziyyətləri qənaətbəxşdir.