“Tramp ilk səlahiyyət müddətində bu qərara doğru addımlar atıb”
ABŞ-ın keçmiş Prezidenti Donald Tramp yenidən dövlət başçısı seçilərsə, ölkəsini NATO-dan çıxaracaq. AYNA xəbər verir ki, bu barədə Tramp Prezident olarkən ABŞ-ın milli təhlükəsizlik müşaviri olmuş Con Bolton “MeidasTouch” “YouTube” kanalına müsahibəsində deyib.
Onun sözlərinə görə, Tramp ilk səlahiyyət müddətində bu qərara doğru addımlar atıb. Bu baxımdan Bolton ABŞ-ın Şimali Atlantika Alyansından çıxmasının Trampın ikinci dönəminin ilkin prioritetlərindən biri olacağını söyləyib.
Bundan əlavə, keçmiş müşavir bildirib ki, Tramp yenidən Amerika lideri seçiləcəyi təqdirdə ölkəyə düzəlməz ziyan vura bilər.
O həmçinin ABŞ-ın NATO-dan çıxmasının əleyhdarlarına Trampın diqqətini yayındırmaq üçün bir yol tapmağı tövsiyə edib.