"Biz Qrenlandiyanı bir ştat etmək istəmirik. Onlarla birlik içində olmaq istəyirikmi? Əlbəttə"
ABŞ Qrenlandiyanı yeni bir ştat etmək niyyətində deyil, lakin ərazi ilə birlik içində olmaq istəyir. A/YNA.AZ xəbər verir ki, CNN bu barədə ABŞ Prezidenti Donald Trampın adı açıqlanmayan müşavirinə istinadən məlumat yayıb.
"Biz Qrenlandiyanı bir ştat etmək istəmirik. Onlarla birlik içində olmaq istəyirikmi? Əlbəttə", - deyə kanal öz mənbəsinə istinadən bildirib.
Başqa bir CNN mənbəsi isə deyib ki, Trampın komandası ümumiyyətlə ABŞ-ın ada üzərində nəzarəti bərqərar etməsi ilə razıdır, lakin onun müşavirləri hələ də bu məqsədə necə çatmaq barədə fikir ayrılığına malikdirlər.
Lakin onların çoxu Trampın hərbi vasitələrdən daha çox tarif təhdidindən istifadə etməsini üstün tutur.