Sistem 20 QVt gücə və bir dəqiqə ərzində impulslar yaratmaq qabiliyyətinə malikdir
Çinli alimlər “Starlink” peyklərini və aşağı Yer orbitindəki digər obyektləri sıradan çıxara bilən TPG1000Cs mikrodalğalı silahı hazırlayıblar. AYNA.AZ xəbər verir ki, bu barədə “South China Morning Post” qəzeti məlumat yayıb.
Şansi əyalətinin Sian şəhərindəki Şimal-Qərb Nüvə Texnologiyaları İnstitutu tərəfindən hazırlanmış sistem 20 QVt gücə və bir dəqiqə ərzində impulslar yaratmaq qabiliyyətinə malikdir.
İndiyə qədər bu cür sistemlər üç saniyədən çox olmayaraq fasiləsiz işləyə bilirdi, halbuki TPG1000Cs tək bir sessiyada 3000-ə qədər yüksək enerjili impuls ötürür. Belə bir yerüstü sistem “Starlink” peykləri də daxil olmaqla, aşağı Yer orbitindəki peykləri sıradan çıxara və ya zədələyə bilər.
Sistem olduqca kompaktdır: uzunluğu dörd metr, çəkisi isə beş tondur. Bu ölçülər onu yük maşınlarına, hərbi gəmilərə, təyyarələrə və hətta peyklərə quraşdırmağa imkan verir.
Qeyd olunub ki, Çin TPG1000C-ləri birbaşa kosmosa yerləşdirərsə, "onun gizli hücumları daha da ölümcül olacaq və aşkarlanması çətinləşəcək".