“Biz tərəfimizdən növbəti lazımi addımları atmağa hazırıq”
“Normallaşma prosesinin digər elementləri arasında Ermənistan-Azərbaycan dövlət sərhədinin bir hissəsinin delimitasiya və demarkasiyasının baş verməsidir”. AYNA xəbər verir ki, bu sözləri Azərbaycanın xarici işlər naziri Ceyhun Bayramov macarıstanlı həmkarı Peter Siyarto ilə keçirdiyi birgə brifinqdə deyib.
Nazir bildirib ki, bunun nəticəsində işğal altında olan 4 Azərbaycan kəndinin azad olunmasının tərəflər arasındakı prosesə müsbət təsirləri barəsində fikir mübadiləsi aparılıb.
Ceyhun Bayramov qeyd edib ki, Azərbaycan sülh prosesinə sadiqdir: “Biz tərəfimizdən növbəti lazımi addımları atmağa hazırıq”.