Bu ilin 9 ayında yanğınlarda 35 nəfər həlak olub

Hadisələr zamanı 163 nəfər xəsarət alıb

2024-cü ilin 9 ayı ərzində baş vermiş yanğın hadisələrindən təhqiqatı aparılmış yanğınların sayı 1351 olub. AYNA xəbər verir ki, bu barədə FHN-dən bildirilib.

Qeyd edilib ki, yanğın hadisələri zamanı 35 nəfər həlak olub, 163 nəfər xəsarət alıb.

Bu da ötən il ilə müqayisədə yanğından həlak olanlar üzrə 9 nəfər və ya 35%, xəsarət alanlar üzrə 39 nəfər və ya 31% çoxdur.