Avropa diplomatiyasının rəhbəri Rəfahda vətəndaşların təhlükəsizliyinə çağırış edib
“İsrail Qəzza zolağının cənubunda yerləşən Rəfah şəhərində mülki əhalinin təhlükəsizliyini təmin etməlidir”. AYNA xəbər verir ki, bu sözləri Avropa diplomatiyasının rəhbəri Cozef Borrell “X” sosial şəbəkəsindəki hesabında yazıb.
“Mülki əhalinin Rafahdan təhlükəli ərazilərə təxliyyə etməyə məcbur edilməsi qəbuledilməzdir. İsrailin beynəlxalq hüquqa əsasən mülki şəxslərin təhlükəsizliyini təmin etmək öhdəliyi var”, Borell yazıb.
Avropalı siyasətçi həmçinin İsraili Rəfahda quru əməliyyatı keçirməməyə çağırıb. Onun fikrincə, bu, ağır humanitar böhranı daha da kəskinləşdirəcək.