“İsveçin NATO-ya üzvlük müraciətinin tezliklə ratifikasiya olunacağına ümid edirəm”
ABŞ dövlət katibi Antoni Blinken İsveçin NATO-ya üzvlük müraciətinin tezliklə ratifikasiya olunacağına ümid edir.
AYNA xəbər verir ki, dövlət katibinin sözlərinə görə, Türkiyə Parlamenti bu ilin payızında öz iclaslarını bərpa etdikdə, İsveçin üzvlüyünün ratifikasiyası ən qısa zamanda baş tutacaq.
Qeyd edək ki, 2023-cü ilin avqustunda Türkiyə Prezidenti Rəcəb Tayyib Ərdoğan İsveçin parlamentdə müraciətinə baxılma vaxtının məlum olmadığını bəyan edib. Amma o, Türkiyə qanunvericilərinin məsələ ilə bağlı qərar verəcəyini söyləyib.