Ramazan Herayev Qazaxıstan ərazisində saxlanılaraq xüsusi konvoyunun müşayiəti ilə Azərbaycana gətirilib
Baş Prokurorluğun vəsatəti əsasında Qazaxıstan Baş Prokurorluğu tərəfindən "Mülki, ailə və cinayət işləri üzrə hüquqi yardım və hüquqi münasibətlər haqqında" 7 oktyabr 2002-ci il tarixli Konvensiyanın tələblərinə uyğun olaraq Azərbaycan vətəndaşı Ramazan Məhəməliyeviç Herayevin ekstradisiyası haqqında qərar qəbul olunub. AYNA.AZ xəbər verir ki, bu barədə Baş Prokurorluqdan bildirilib.
Qeyd olunub ki, Daxili İşlər Nazirliyinin (DİN) Baş İstintaq və Təhqiqat idarəsində ibtidai istintaqı aparılan cinayət işi üzrə Ramazan Herayevin külli miqdarda zərər vurmaqla dələduzluq cinayət əməlini törətməsinə əsaslı şübhələr müəyyən edildiyindən, təqsirləndirilən şəxs qismində cəlbetmə haqqında qərar qəbul olunmaqla barəsində beynəlxalq axtarış elan edilib.
Ramazan Herayev Qazaxıstan ərazisində saxlanılaraq Ədliyyə Nazirliyi Penitensiar Xidmətinin xüsusi konvoyunun müşayiəti ilə Azərbaycana gətirilib.