“Hazırda araşdırma davam etdirilir”
Vətəndaş Günel Gözəlovanın ərinin həkim səhvi nəticəsində səhhətində fəsadların yaranması ilə bağlı müraciəti əsasında hazırda Nərimanov rayon prokurorluğunda araşdırma aparılıb.
Baş Prokurorluqdan AYNA-ya verilən məlumata görə, aparılan araşdırma zamanı izahatlar alınıb, həkim səhvinin olub-olmamasını müəyyən etmək məqsədi ilə komisyon məhkəmə-tibbi ekspertizası təyin edilib.
“Bundan başqa, həkim tərəfindən aparılan müalicə və reanimasion tədbirlər zamanı hər hansı qanun və tibbi protokolların tələblərinin pozulması hallarına yol verilib-verilməməsinin araşdırılması məqsədi ilə xidməti yoxlama aparılması üçün Azərbaycan Respublikası Səhiyyə Nazirliyinə Baş Prokurorluq tərəfindən müraciət edilib. Hazırda araşdırma davam etdirilir”, - deyə məlumatda qeyd olunub.
Qeyd edək ki, G.Gözəlova uzun illər Azərbaycan teleməkanında aparıcı kimi fəaliyyət göstərib.