Səbail rayonundakı evlərin birindən oğurluq edilib
Bakının Səbail rayonundakı evlərin birindən oğurluq edilib. Daxili İşlər Nazirliyindən (DİN) AYNA.AZ-a verilən məlumata görə, ev sahibi 5 min manat dəyərində məişət əşyalarının talanması barədə polisə məlumat verib.
Səbail Rayon Polis İdarəsinin 8-ci polis şöbəsi əməkdaşlarının keçirdikləri tədbirlər nəticəsində həmin əməli törətməkdə şübhəli bilinən iki qardaş - 31 yaşlı Elməddin Sadiqov və 29 yaşlı Ümüd Sadiqov saxlanılıblar.
Araşdırmalar nəticəsində onların digər bir obyektin saxlanc yerindən də avtomobil ehtiyat hissələri oğurlayaraq satdıqları müəyyən edilib.
Araşdırmalar davam etdirilir.