Folklendlər yaxınlığında rusları daşıyan gəminin batması zamanı səkkiz nəfər ölüb
Folklend adaları yaxınlığında səkkiz rusiyalının olduğu balıqçı qayığının batması nəticəsində 8 nəfər ölüb. AYNA xəbər verir ki, bu barədə “Daily Mail” məlumat yayıb.
“Folklend adaları sahillərində balıqçı qayığının batması nəticəsində azı səkkiz nəfərin öldüyü, yeddi nəfərin isə itkin düşdüyü ehtimal edilir”, – nəşr bildirib.
Göyərtəsində 27 nəfərin olduğu "Arqos Georgia" gəmisi Folklend adaları sahillərindən 500 km aralıda batıb. Təhlükə siqnalı iyulun 22-i bazar ertəsi axşam saatlarında göndərilib. 14 ekipaj üzvü mövcud üç xilasedici qayıqdan ikisi ilə xilas ola bilib.
Eyni zamanda, bu ərazidə hava şəraiti son dərəcə çətin olub, dalğanın hündürlüyü 8 metrə çatıb.
İspaniyanın EFE agentliyinin məlumatına görə, 5 nəfər itkin düşüb. Təyyarədə ispanlardan başqa ruslar, indoneziyalılar, uruqvaylılar və perulular da olub.