Trror aktını PKK-nın hərbi qanadı olan “Ölümsüzlər batalyonu” təşkil edib
PKK terror təşkilatı oktyabrın 23-də Ankarada "Tusaş" aerokosmik şirkətinin ofisində törədilən terror aktına görə məsuliyyəti öz üzərinə götürüb. AYNA xəbər verir ki, bu barədə Türkiyə mediası məlumat yayıb.
Bildirilib ki, terror aktını PKK-nın hərbi qanadı olan “Ölümsüzlər batalyonu” təşkil edib.
Qeyd edilib ki, terror aktı çoxdan planlaşdırılıb və bu, Türkiyədə baş verən daxili siyasi hadisələrlə bağlı deyil.
Xatırladaq ki, oktyabrın 23-də Ankarada “Tusaş”ın baş ofisində terror aktı törədilib. Cinayətkarlar obyektə daxil olmaq istəsələr də, təhlükəsizlik qüvvələrinin müqaviməti ilə üzləşiblər. Bundan sonra onlar atəş açıblar, daha sonra partlayış olub.