Hazırda faktla bağlı araşdırma aparılır
Ağcabədi rayonunda qətl törədilib. AYNA Daxili İşlər Nazirliyi Mətbuat xidmətinin DİN Bərdə regional qrupuna istinadən xəbər verir ki, hadisə mayın 11-i saat 23 radələrində baş verib.
1984-cü il təvəllüdlü Rauf Həsənovun kəsilmiş-deşilmiş xəsarətlərdən ölməsi barədə polisə məlumat daxil olub. Polisin keçirdiyi tədbirlərlə cinayət əməlini törətməkdə şübhəli bilinən 1984-cü il təvəllüdlü Tural Əhmədov saxlanılıb.
İlkin məlumata görə hadisə şəxsi münasibətlər zəminində baş verib. Hazırda faktla bağlı araşdırma aparılır.