Yeni texnologiya: peyk rabitəsini iflic edir
ABŞ Kosmik Qüvvələri yeni texnoloji inkişaf olan Meadowlands sistemini təqdim edib. Bu, Əks-rabitə Sistemi (CCS) 10.2-nin əsaslı təkmilləşdirilməsidir. Ənənəvi silahlardan fərqli olaraq, bu sistem düşmən peyklərini fiziki olaraq məhv etmir. Əksinə, elektromaqnit spektrinə təsir göstərir və düşmənin radio siqnallarını aşkarlamağa, bloklamağa və yatırmağa imkan verir. AYNA.AZ bildirir ki, bu barədə Interesting Engineering jurnalını hesabatında deyilir.
Sistem necə işləyir?
Meadowlands mobil təkərli qoşquya quraşdırılmış antena kimi hazırlanıb. Bu konfiqurasiya yüksək manevr qabiliyyətini təmin edir: sistem həm yerüstü nəqliyyat, həm də ağır təyyarələr vasitəsilə istənilən bölgəyə tez bir zamanda çatdırıla bilər. Bu, sistemin birbaşa düşmən peyk nəzarəti altında olan ərazilərdə yerləşdirilməsinə imkan verir.
“Delta 3 Missiyası– Kosmik Elektromaqnit Müharibə” bölməsi bu texnologiyanın işləməsinə cavabdehdir. Onun mütəxəssisləri sistemi dünya miqyasında döyüş əməliyyatlarına inteqrasiya edirlər. Podpolkovnik Rayan Skillinqin qeyd etdiyi kimi, yeni təkmilləşdirmə münaqişənin bütün mərhələlərində qoşun manevrlərinə daha effektiv dəstək verməyə imkan verir.
Bu cür həllərin effektivliyi artıq real əməliyyatlarda sübut edilib. Misal üçün, “Midnight Hammer” missiyası zamanı ABŞ ordusu düşmən rabitəsini kəsərək sözdə “sükut zonası” yaratdı və bu da bombardmançı təyyarələrin missiyalarını təhlükəsiz şəkildə yerinə yetirməsinə imkan verdi.
Rəsmi açıqlamalarda vurğulanır ki, bu sisteminin imkanları elektromaqnit spektrində görünməz cəbhə xəttini daha da gücləndirir. Polkovnik Angelo Fernandezin sözlərinə görə, təlimlərini daim təkmilləşdirirlər.