“Danışıqlar aparan qrupumuz Amerika komandası ilə əlaqə saxladı, detalları müzakirə etdilər”
Ukrayna Prezidenti Volodimir Zelenski Moskvanın Rusiya Prezidenti Vladimir Putinin Valdaydakı iqamətgahına Ukrayna pilotsuz təyyarəsinin hücumu ilə bağlı iddialarını saxtakarlıq adlandırıb. AYNA.AZ xarici mediaya istinadən bildirir ki, o Kiyevin bu barədə amerikalıları məlumatlandırdığını iddia edib.
“Danışıqlar aparan qrupumuz Amerika komandası ilə əlaqə saxladı, detalları müzakirə etdilər və başa düşürük ki, bu, saxtakarlıqdır. Əlbəttə ki, tərəfdaşlarımız həmişə texniki imkanlarından istifadə edərək bunun saxta olduğunu yoxlaya bilərlər”, - deyə Zelenski jurnalistlərlə onlayn görüş zamanı bildirib.
“Putinin Valday iqamətgahına edilən hücumlar barədə xəbərlər saxtakarlıqdır. Heç kim hücum etməyib. Bu, sanksiyalarla əlaqəlidirmi? Bəlkə də bir az, amma mənim fikrimcə, bu, daha çox bir ay ərzində komandalarımız arasında kifayət qədər uğurlu söhbət və görüş, müsbət görüş keçirməyimizlə bağlıdır”, - Zelenski vurğulayıb.