Karantin rejiminin müddəti 2026-cı il 1 aprel saat 06:00-dək uzadılıb
Azərbaycan Respublikasının ərazisində xüsusi karantin rejiminin müddəti uzadılıb. AYNA.AZ xəbər verir ki, Nazirlər Kabineti bu barədə qərar verib.
Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2026-cı il 1 aprel saat 06:00-dək uzadılıb.
Qeyd edək ki, bundan əvvəl xüsusi karantin rejimi 1 yanvar 2026-ci ilədək müddəti əhatə edirdi.