Xaçmazda minik avtomobilləri toqquşub, üç nəfər yaralanıb

Hadisə

30.11.2023 - 01:52

Yaralılar Xaçmaz Mərkəzi Rayon Xəstəxanasına yerləşdirilib

Xaçmaz-Xudat yolunda minik avtomobillərinin iştirakı ilə yol-nəqliyyat hadisəsi baş verib.

AYNA APA-ya istinadən xəbər verir ki, "VAZ 21015" və "QAZ 3110" markalı avtomobillərin toqquşması nəticəsində üç nəfər müxtəlif dərəcəli xəsarətlər alıb.

Qəza nəticəsində yaralananlar, 58 yaşlı Aygün Lalayeva, 59 yaşlı Əlfəddin Lalayev və onların nəvəsi - 8 yaşlı Elnur Lalayev Xaçmaz Mərkəzi Rayon Xəstəxanasına yerləşdirilib.

Hazırda onlara tibbi yardım göstərilir.

Faktla bağlı araşdırma aparılır.

Müəllif: Ayna.az