Cahangirova görmə qabiliyyəti məhdud olan şəxsdir
Xaçmazda 59 yaşlı qadın itkin düşüb. AYNA xəbər verir ki, bu barədə Daxili İşlər Nazirliyinin Quba regional qrupundan bildirilib.
Qeyd olunub ki, Xaçmaz rayonu ərazisində yaşayan 59 yaşlı Gülxar Cahangirova 2023-cü il iyulun 18-də axşam saatlarında yaşadığı ünvandan çıxıb naməlum istiqamətə gedərək bir daha geri qayıtmayıb.
Qeyd edək ki, G.Cahangirova görmə qabiliyyəti məhdud olan şəxsdir və səhhətindəki narahatlıqlarla bağlı müalicə alır.
Onu görənlərdən və barəsində məlumatı olanlardan DİN-in “102” Xidməti Zəng Mərkəzinə, həmçinin Xaçmaz Rayon Polis Şöbəsinin (2332) 5-53-56 şəhər və (+99455) 722-27-99 mobil nömrələrinə zəng edərək məlumat vermələri xahiş olunur.