Rayon Guevara: "Biz hətta təsəvvür etmirdik ki, faciə belə miqyas alacaq"
Venesuelanın qərbindəki Merida əyalətində uzun müddət davam edən leysan yağışlar nəticəsində Mokotis çayının daşması nəticəsində azı 17 nəfər həyatını itirib.
AYNA-nın "Report"a istinadən məlumatına görə, bu barədə əyalətin qubernatoru Ramon Guevara bildirib.
"Biz hətta təsəvvür etmirdik ki, faciə belə miqyas alacaq", - o deyib. Qubernatorun məlumatına görə, həlak olanlar arasında həddi-buluğa çatmayan iki nəfər də var. Təbii hadisə nəticəsində daha 17 nəfər itkin düşmüş hesab edilir.
Gevara qeyd edib ki, daşqınlar onlarla binanı məhv edib, 1,2 mindən çox evə ciddi zərər dəyib. Regionda elektrik enerjisinin təchizatı və mobil əlaqədə problemlər müşahidə olunur.
Leysanlar Venesuelanın paytaxtı daxil olmaqla, başqa regionlara da ziyan vurub. Çərşənbə axşamı ölkənin prezidenti Nikolas Maduro bildirib ki, hərbçilərin təbii hadisənin nəticələri ilə mübarizəyə cəlb olunmasını əmr edib.