ABŞ dünya təşkilatının islahatlara məruz qalacağını gözləyir
“Vaşinqton BMT-nin maliyyələşdirilməsini dayandırır. Çünki ABŞ dünya təşkilatının islahatlara məruz qalacağını gözləyir”. AYNA.AZ xəbər verir ki, bu sözləri ABŞ-ın BMT-dəki daimi nümayəndəsi Maykl Valts “Breitbart News”a verdiyi müsahibədə deyib.
Diplomat ABŞ Prezidenti Donald Trampın BMT-də islahatlar görünənə qədər üzvlük haqqını saxladığını aydınlaşdırıb.
Valts vurğulayıb ki, Vaşinqtonun təzyiqi altında BMT-nin baş katibi Antonio Quterreş BMT-nin büdcəsini 15% azaltmağa razı olub ki, bu da işçilərin sayının 18%, sülhməramlıların sayının isə 25% azalmasına səbəb olacaq.
Daimi nümayəndənin sözlərinə görə, ABŞ "BMT-yə sərt davranacaq".