Rusiyanın 1 milyard dollar dəyərində aktivləri müsadirə edilib
Ukrayna polisi Rusiyaya aid 38 milyard qrivnaya (təxminən 1 milyard dollar) dəyərində aktivləri müsadirə edib.
AYNA xəbər verir ki, bunu “RBC-Ukrayna”ya müsahibəsində Ukrayna Milli Polisinin Strateji Araşdırmalar Departamentinin rəhbəri Andrey Rubel deyib.
Onun sözlərinə görə, bütün aktivlər Ukraynanın, o cümlədən ordunun xeyrinə və ehtiyaclarına yönəldilib.
“Xüsusən, “Bell-427” helikopteri, “Gulfstream G650” təyyarəsi, 47 yük maşını, 55 minik avtomobili və 3 düzbucaqlı yarımqoşqu müdafiəçilərimizə təhvil verilib”, - Rubel bildirib.
O, aydınlaşdırıb ki, Rusiya aktivlərinin həcmini qiymətləndirmək çətindir, çünki 2014-cü ildən Ukraynanın bütün iri biznesləri birbaşa və ya dolayı yolla ruslarla bağlıdır.