Eyni vaxtda keçirilən əməliyyatlar zamanı ümumilikdə 42 şübhəli saxlanılıb
Türkiyənin Yalova şəhərində terror təşkilatına qarşı keçirilən və üç polis əməkdaşının ölümünə səbəb olan əməliyyatla əlaqədar saxlanılan 42 İŞİD üzvündən 26-sı həbs edilib. AYNA.AZ Türkiyə mediasına istinadən bildirir ki, şəhərdə eyni vaxtda keçirilən əməliyyatlar zamanı ümumilikdə 42 şübhəli saxlanılıb.
Onlardan 26-sı məhkəmə qərarı ilə həbs olunub.
Qeyd edək ki, dekabrın 29-da Yalovada antiterror əməliyyatı zamanı silahlı toqquşma baş verib və nəticədə üç polis əməkdaşı şəhid olub, səkkiz polis əməkdaşı və bir təhlükəsizlik əməkdaşı yaralanıb. Məlumata görə, toqquşma zamanı altı terrorçu zərərsizləşdirilib.