Həftə ərzində hər bir yayımçı 2 saat əcnəbi serial yayımlaya biləcək
Azərbaycanda əcnəbi seriallar yalnız 23.00–07.00 vaxt aralığında tam dublyaj olunmuş formada nümayiş oluna biləcək. Bu barədə AYNA-ya Milli Televiziya və Radio Şurasından (MTRŞ) məlumat verilib.
Qeyd olunub ki, bundan əlavə, həftə ərzində hər bir yayımçı 07.00–22.00 arası vaxt aralığında 2 (iki) saat əcnəbi serial yayımlaya biləcək.
Yayımçıları yerli serial istehsalına təşviq etmək məqsədilə həftə ərzində həmin vaxt aralığında (07.00-22.00) yayımlanan hər 5 (beş) saat yerli serialdan əlavə 1 (bir) saat əcnəbi serial yayımlanması mümkün olacaq.