Avtomobili özü idarə edirmiş
Daxili İşlər Nazirliyi (DİN) Kürdəmir rayonunda baş vermiş və şəhidin həyat yoldaşının ölümü ilə nəticələnən qəza ilə bağlı məlumat yayıb.
DİN-in Mətbuat Xidmətindən AYNA-ya verilən məlumata görə, oktyabrın 21-də saat 14:00 radələrində Kürdəmir rayonunun Şüşün kəndi ərazisində Bakı şəhər sakini Günel Ələsgərova (şəhid Rəhim Hüseynovun həyat yoldaşı) idarə etdiyi “Ford” markalı avtomobili aşırıb.
Nəticədə özü və sərnişini Emin Tağıyev hadisə yerində ölüb. Hadisə ilə əlaqədar Kürdəmir Rayon Polis Şöbəsi tərəfindən araşdırma aparılır.