Nəbi Hüseynovun həyatını xilas etmək mümkün olmayıb
Sabirabadda bir nəfərin ölümcül yaralanması ilə nəticələnən yol-nəqliyyat hadisəsi baş verib.
AYNA-nın “Report”a istinadən məlumatına görə, hadisə rayonun Minbaşı-Qarağac yolunda qeydə alınıb.
Belə ki, hərəkətdə olan “VAZ-2106” markalı avtomobil “Hyundai” markalı avtomobillə toqquşub. Qəza nəticəsində rayonun Azadkənd kənd sakini 1998-ci il təvəllüdlü Hüseynov Nəbi Bəxtiyar oğlu müxtəlif dərəcəli bədən xəsarətləri alıb.
Həkimlərin səyinə baxmayaraq, N. Hüseynovun həyatını xilas etmək mümkün olmayıb.
Faktla bağlı araşdırma aparılır.