Saat 10:00-dan etibarən qaz təchizatı dayandırılacaq
Bakı şəhəri, Xəzər rayonunun bəzi ərazilərinin qaz təchizatında müvəqqəti fasilə yaranacaq.
AYNA.AZ xəbər verir ki, bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyi məlumat yayıb.
Bildirilib ki, Xəzər rayonu, Zirə qəsəbəsindəki qaz xəttinin kipliyə sınaq olunması məqsədilə mayın 22-də, saat 10:00-dan etibarən qaz təchizatı dayandırılacaq. Qaz təchizatı dayandırılan müddətdə Zirə qəsəbəsində müvəqqəti fasilə yaranacaq.