Parlament yerləşdirilmə qərarını təsdiqləyib
Rumıniya Parlamenti ABŞ və İsrailin İrana qarşı hərbi əməliyyatını dəstəkləmək üçün ABŞ texnikası və qoşunlarının yerləşdirilməsini təsdiqləyib. AYNA.AZ xəbər verir ki, bu barədə Rumıniyanın "Investigative Report" portalı məlumat yayıb.
"Çərşənbə günü Parlament CSAT iclasından sonra təqdim edilən Prezident Nikusor Danın ABŞ hərbi texnikası və qüvvələrinin Rumıniyaya müvəqqəti yerləşdirilməsi tələbini 272 lehinə və 18 əleyhinə səslə təsdiqlədi. ABŞ tələbi Yaxın Şərqdəki müharibə kontekstində formalaşdırılıb", - deyə məlumatda bildirilib.
Qərar təyyarələrin yanacaq doldurulması, monitorinq avadanlığı və peyk rabitəsi ilə bağlıdır. Prezident bildirib ki, bu imkanlar müdafiə xarakteri daşıyır və Rumıniyanın təhlükəsizliyini artırır.
Portal qeyd edib ki, bu, Rumıniyanın rəsmi olaraq müharibəyə girdiyi anlamına gəlmir, lakin bu, ABŞ siyasətinə sadəcə şifahi dəstəkdən daha çox şeydir.