“Reuters”: İran Prezidenti və xarici işlər nazirinin həyatı risk altındadır

Dünya

19.05.2024 - 23:10

Həkimlər Klinikalar SEO Xidməti

“Biz hələ də ümidliyik, lakin qəza yerindən gələn məlumatlar çox narahatlıq doğurur"

"İran prezidenti İbrahim Rəisi və xarici işlər nazirini daşıyan helikopter bazar günü Azərbaycanla sərhədə səfərdən qayıdıb qatı duman içində dağlıq ərazini keçərkən qəzaya uğrayıb". AYNA xəbər verir ki, bu barədə İran rəsmilərindən biri “Reuters”ə açıqlamasında deyib.

Rəsmi şəxs bildirib ki, Rəisi və xarici işlər naziri Hüseyn Əmirabdollahyanın həyatı "helikopter qəzasından sonra risk altındadır".

“Biz hələ də ümidliyik, lakin qəza yerindən gələn məlumatlar çox narahatlıq doğurur", deyə İran rəsmisi bildirib.

Qeyd edək ki, İran TV-lərində bütün proqramlar dayandırılıb. Televiziyalar bütün ölkə üzrə Rəisi üçün duaların edildiyini və ekranın bir küncündə sıx dumanda dağlıq ərazidə piyada axtarış aparan xilasetmə qruplarının canlı yayımını göstərirlər.

Müəllif: Ayna.az