3 ədəd F-1 əl qumbarası polis tərəfindən götürülüb
Quba rayonu ərazisində 3 ədəd F-1 əl qumbarası aşkarlanıb.
Daxili İşlər Nazirliyinin (DİN) Mətbuat Xidmətinin Quba regional qrupundan AYNA-ya verilən məlumata görə, Quba Rayon Polis Şöbəsinə Quba-Xınalıq yolunun Qırızdəhnə kəndi ərazisindən keçən hissəsində 3 ədəd F-1 əl qumbarasının olması barədə məlumat daxil olub.
Dərhal hadisə yerinə gedən polis əməkdaşkarı əl qumbaralarını aşkar edərək götürüblər. Faktla bağlı RPŞ-də araşdırma aparılır.