Gürcüstanda qəzaya uğrayan Türkiyə Silahlı Qüvvələrinə aid "C-130" yük təyyarəsinin "qara qutu"su Türkiyəyə aparılıb.
AYNA.AZ xəbər verir ki, bu barədə “Hürriyet” qəzeti məlumat yayıb.
Xatırladaq ki, dünən Azərbaycandan Türkiyəyə istiqamətlənən Türkiyəyə məxsus "C130" tipli hərbi nəqliyyat təyyarəsi Gürcüstan ərazisində qəzaya uğrayıb. Qəza nəticəsində təyyarədə olan 20 hərbçinin hamısı həyatını itirib.