“Qarabağ”ın və “Neftçi”nin növbəti rəqibi müəyyənləşib
UEFA Çempionlar Liqasının III təsnifat mərhələsində “Qarabağ”ın rəqibi müəyyənləşib. AYNA xəbər verir ki, Azərbaycan çempionunun bu mərhələdəki rəqibi Norveçin “Molde” klubu olub.
Qeyd edək ki, “Qarabağ” bu rəqibi ilə 15-16 sentyabrda qarşılaşacaq. “Qarabağ” rəqibini Bakıda qəbul edəcək.
UEFA Avropa Liqasının II təsnifat mərhələsindəki təmsilçimiz “Neftçi”nin də rəqibi bilinib. Bakı klubunun rəqibi “Qalatasaray” olacaq.
Qeyd edək ki, bu görüş sentyabrın 17-də keçiriləcək. “Neftçi” rəqibini öz meydanında qəbul edəcək.