"Məsələnin yekunlaşmaq üzrə olduğuna dair açıqlamama gəldikdə, mən bu açıqlamanı səbəbsiz verməmişəm”
Ukraynada ərazi itkiləri fonunda Vladimir Putin Rusiya ordusunun cəbhədəki "hücum" əməliyyatını əsas gətirərək döyüşlərin tezliklə başa çatacağı barədə bəyanatını təkrarlayıb. Bu barədə AYNA.AZ TASS-a istinadən bildirir.
"Məsələnin yekunlaşmaq üzrə olduğuna dair açıqlamama gəldikdə, mən bu açıqlamanı səbəbsiz deyil, qoşunlarımızın hər gün bütün istiqamətlərdə irəlilədiyi döyüş meydanındakı vəziyyətin təhlilinə əsaslanaraq verdim", - deyə Rusiya Prezidenti bildirib.
O, mayın 10-da oxşar bir açıqlama vermişdi. Daha sonra Putin Rusiyanın Ukraynaya müdaxiləsinin başa çatmaq üzrə olduğunu bildirib. O həmçinin müharibənin beşinci ilinə qədəm qoyduğunu iddia edib.
“Qərb elitalarının qlobalist cərəyanı liderləri ukraynalıların əli ilə Rusiyaya qarşı vuruşaraq Kiyevi 2022-ci ildə İstanbulda Rusiya və Ukrayna nümayəndə heyətləri arasında əldə edilən sülh müqaviləsini imzalamamağa inandırdılar”, - Putin söyləyib.
29 may tarixində Putin həmçinin Ukrayna ilə bağlı təmasların davam etdiyini, lakin hazırda tammiqyaslı danışıqların aparılmadığını açıqlayıb.
Rusiya lideri həmçinin Rusiyanın Avropa ölkələrinə qarşı "heç vaxt aqressiv niyyətləri olmadığını" bildirib: "Avropalı siyasətçilərin Rusiya ilə müharibəyə hazırlaşdıqları barədə açıqlamaları cəfəngiyatdır".